Hum ne kar dikhaya!!

Hum uni se nikle maqsad tou pata tha magar koi planning sirf ek irada tha e jazba ke hum jis maqsad se niklein hain usko aj har mumkin pora kareinge, ishe umeed pe nikal parey na jagah pata na jaib mai paise, bus dil mai kuch karne ka hosla le ke university ki ye 6 larkian apne azam pe gamzan thien. Auto mai baithey apne raste or manzil ke barey mai sochte hoye jab hum apni manzil pe pohanche tou humei pata chala ke hum mai se kisi k pass bhi paise nahi hain.

Rakshey ka karaya 50 rupee or kisi ke pass se 30 rupey nikle hum ne ghanimat jaan ke masoom ban ke rakshey wale se mazrat ke sath kaha k humarey pass itne he hain, Allah ka karma k naik kaam ka inaam bhi naik us rikhshey wale neye keh kr kuch nahi kaha k agey kisi gharib ko de daina. Mulk mai is afratafri ke halat mai us rakhshey wale ka ye amal kisi farishtey se kam na tha humarey liye.

Ab humne qadam barhana shru kiye us kaam k liye jis kaam ke azam k sath hum ae they, sheher se wall chalking mitane k kaam pe. Humne apne apne dilon mai darr ke sath pehli dewar ki chalking saaf karma shru ki, ahishta ahista humey ahsaas hua k humarey hosle itne buland the ke garmi ki shaded laher bhi humei mehsoos nahi hori thi, humarey dilon mai siyasi partion ka khauf, darr kuch bhi mahsoos nahi hora tha zehen mai tha tou bas ye ke humne aj ye kaam karma hai.

Wahan jaaney se pehle humarey dilon mai ek khauf tha ke humey kisis siyasi party k karkun ne apna naara mitatey daikha tou ghusey mai na aajaye laikin ye kam kartewe mujhe jo sukoon, itminaan or khushi mahsoos hoi uska mai tasawar bhi nahi kar sakti ti na he biyaan kar sakti hun.bus ye k waqai humne kuch kar dikhaya. Age ap sachi niyat se kuch karna chahtey ho tou ap kar sakte ho bus hosla hona chahye rastey Allah ta’ala khud paida kar daita hai.