Wah re FASHION!!!!!!

Is fashion ne aaj ki aurat ko behal kar diya hai. Fashion ki samajh ho ya na ho, ya hum par acha lage ya na lage lekin har soorat me fashion apnana zaroor hai. Fashion hamari zindagi ka lazmi juz ban chukka hai. Har fashion sub par acha nai lagta lekin phir bhi aurtain fashion ki dewani bani ja rahi hoti hain. Har wo fashion k kapre (clothes) jo market me majood hain or ya fashion me hain hamein zaroor lena hai…..chahe wo hum par acha lage ya na lage. Lekin aj ki aurat fashion k haathon majboor hai.

Sub se pehle apne bare me ye dekhna k hum par kia cheez achi lag rahi hai, hum kis andaaz se khoobsoorat lag sakte hain is bat ko bhool jate hain or fashion k peeche bhagne lagte hain. Khawateen ko fashion ka peeche pagal hone me hamare media ka bohat bara hath hai. Hamare dramon me heroin ne jis andaaz k kapre (clothes) or zewar (jewelry) pehne hain agar hum bhi pehne to bilkul us jese lage gain. Ye soch hamari aurat ko bechain rakhti hai k T.V par jo naya ishtihar (ad) chal raha tha kapron (clothes) ka wo jald se jald hamare pas bhi ho.

Fashion hamare under aise ghus (enter) giya hai k hum us k baghar kuch nai sochte. Aisi aisi khawateen (ladies) is andaaz k fashion karti hain k thori der k liye dil or dimagh rukh jata hai or ek minute k liye hum ye sochte hain k fashion in k liye bana hai ya ye fashion k liye.

Ab ap universities ko hi dekh len jin me uniform nai hai agar wahan aisa fashion ho to bat bhi hai lekin jin universities me uniform hai to wahan bhi bechare uniform ko fashion k tor par le lete hain or uniform ka aisi halat kar dete hain k bas sochte hi reh jayen….

Kash k hamari khawateen fashion pe itna zor dene k bajaye agar apni bachiyon ki tarbiyat par zor den to shayad sadgi hamare under dobara wapis a jaye.